979 views! Aba'y ipinagmama-arak ko na areng daming are ng silip sa blog ko galing sa kung saan saang lupalop..talaga nga palang karibok ang mga Ala Eh pag nakakita ng garineng klase ng blog. Ay minamaano mo nga naman daw, para ka laang nakikipaghuntahan sa kahanggan nung kani-kanina.
Gusto ko laang pasalamatan ang mga nagbasa nire, na pihado namang puro taga Batangas din laang. Ang top 10 countries na pinanggalingan ng views:
Philippines 506
USA 142
UAE 50
KSA 44
Russia 23
UK 22
Qatar 19
Brunei 17
Canada 15
Germany 13
Marami pa namang ibang bansa na hindi kasama sa lista, yung panglabing-isa pababa gaya ng Italy, Australia,Ukraine, Angola at iba pa, maraming salamat din sa inyo diyan mga kabayan!
Yae ninyo at lilingilin ko ang pag a-update sa inyo ng iba pang kaganapan ukol sa pulong na are tungkol sa climate change.
(Are namang kaungkutan ko dine, ang galaw sa akin ay asbag na daw agad ako, ay sa 979 views ko raw naman, yung 970 ay hindi iba. Kako nama'y di salamat na rin sa 9 na hindi ko kilala.)
Anupa't ang layon ko laang naman ay maisilid sa kukote ng bawat magmimiron dine ang tunay na lagay ng ating planeta, at maipag-gilgilan na ang bawat isa sa atin ay may maii-saknong.
Sa uulitin, mga kabayan!
Saturday, March 24, 2012
Tuesday, March 20, 2012
Anu-ano Ga Daw ang Sabe ng mga Miron? Ay Are Ga!
Ay inaku naman..anu ga nga palang riri naman ng isang mag post ng comment dine sa blogspot na are..ay kainaman na! Tinesting ko nga naman na mag post ng comment bilang isang miron laang, ay inabot na ako ng sura..
Paumanhin mga kabayan, ay sa hindi ko naman alam ih..kanya pala naman papara iilan lamang ng nakakapag kumento dine ay nuknukan naman pala kataluti ih..kung anu-ano pang hinihinging sarisari..ay sya, garine na laang ang aking ginawa. Yung mga naka pag message sa akin ng comments ay di inipon ko na laang dine..paanong gagaw-in ay napapagay-on na!
"Congrats Osang, highly recommended. You were able to translate a very technical subject to a layman's perspective. More,more,more!" -May
"Ay kaya ngaaaaaaa.... di ga'y gay-on nga. Kanya laang ay pag lahat tayo ay ganyan ang padale ay di lalong walang magyayari! --
Kahusay gang maghalukay nareng si Osang ng mga garine, ay tuo naman nga't tunay na tunay ih na tayo'y dapat nang makisaknong, di ga? Kako nga'y para ke pang batangueno ang turing! -pwede na ga are?" - Abie
Kahusay gang maghalukay nareng si Osang ng mga garine, ay tuo naman nga't tunay na tunay ih na tayo'y dapat nang makisaknong, di ga? Kako nga'y para ke pang batangueno ang turing! -pwede na ga are?" - Abie
"ay Kongrats ate Osang sa iyong blog...ka husay ih...kaaliw ih. Ate, ay bayn ga may Arabic letters? hindi ko mabasa ang iba...ang galing ng profile, tambs up ih!" – Rep
"Nice one! Sarap basahin =) " – gemma
"hehehe cute..pa share :D " - lina
"sus tawarin ano gang galing! " -jossie
"iyang inihasik na takot ni Al Gore ay syang sya na... ;) (pero seriously, kailangan na talagang drastic measures to save planet earth...anlalim...) " –rep
"nakakatuwa naman, talagang batanguena! saan mo nahukay ang mga napakalalim na mga tagalog na yuon? but it's nice..." –mai
"Nice job Osang!" -tessa
"Ala eh, kasarap ga nareng basahin. Gulong sa paghalhal e." –neri
"Kanina pang balais dine at di malingilang magpisbuk, isa din naming hamit hehe.. pag garni ng garni eh mulay ang kikitain. Mapapagat ng asawang may dalang kampit heheh.. gandang umaga.." –nestor
"Saknungan na!" –lito
"Sa atin, baligtad. Pag hiyawang hiyawan, ang ibig sabihin close kayo. Paglakas ng hiyaw at pagmay kasama pang murahan, mas close pa kayo.
Pero, pag medyo malumanay ang pag uusap at ika nga'y di makabasag plato, ang ibig sabihin ay hindi kayo gasinong close. From Ate Osang's blog" –rep
Pero, pag medyo malumanay ang pag uusap at ika nga'y di makabasag plato, ang ibig sabihin ay hindi kayo gasinong close. From Ate Osang's blog" –rep
"more!!" –lemon
"Ay sa Batangas naman,di ga kabayan, lalo na nuong kailan, walaaaaaaang kalambing-lambing kahit na sa umpisa, sa gitna at sa dulo ng pagsasalita, mababae, malalaki. Laging hiyawang-hiyawan. Tatawagan ka, pahiyaw : " Hoooooooooy!!" Sasagot ka, pahiyaw din, "Anuga!?" Laging napapagkamal-an ng taga Maynila na nagbabang-ayan dahil parang mga bingi kung magpulong, kainamang makahiyaw ay magkaharap naman. "- bwhahahahahaha! - vang gol
"Sa atin, baligtad. Pag hiyawang hiyawan, ang ibig sabihin close kayo. Paglakas ng hiyaw at pagmay kasama pang murahan, mas close pa kayo." - vang-gol
"utas ako eh, sadya namang di maiitago ang punto, mahahalata pihado" –jojo
"uu nga, dapat Magtulungan na, magtanim ng marami puno, magdala ng bay ong pag namamalengke, para maiwasan ang plastic, lalo na sa opisina,," -pulan
"ala ay pamihadong wagi na ang apo ni charlene, siya na ang magiging miss "natira" sa Unibers for now (sa time na iyon), paano gay lalabing-isa na ang kontestant.- bongmac
Basa ninyo are, at mas magaling are kesa komiks. pag di ka naman napaumis, ay awa ko sa iyo ah. ala ala ko nuon eh pagluluwas, nakow ay ano gang takot lumiban sa karsada at baka maipit. Are na ulit ang blog na pagkakaribukan" -sigfred
"saknungi areng blog na are. natututo na, tiyak na mapapaumis kuto ka pa." - jojo
"Sinsay muna dine sa blog na are, at tunay ka namang ikay utas dine. Babala, sumangguni sa purong Batanguenyo sa mga salitang ginamit." – jojo
"ubod ng tiyaga na ipaliwanag ang tungkol sa global warming ng sa salitang kinamulatan natin, yun eh kung may makakaintindi pa, at lasahin koy ang mga alubata ngayon eh wala ng kamuis muis sa ganyan. alam laang ay humada ng humada" – jojo
"masabi mo puro pasarap sa buhay nagiiba na talaga ang panahon noong kmi noon pagbakasyon nasa gamasan hahah!" –colin
"Anu naman baga yang padaling yan?" Adriano
Wednesday, March 14, 2012
Nakaamoy Laang ng Usok ng Tambutso, Sawit na Agad?
Ang mga Ala Eh, iba talaga ang tunog, kahit foreigner, pansin yaan.
Banday ka na sa mga taga Maynila kung magsalita ay laging may lambing sa dulo, ikanga.
Ay sa Batangas naman,di ga kabayan, lalo na nuong kailan, walaaaaaaang kalambing-lambing kahit na sa umpisa, sa gitna at sa dulo ng pagsasalita, mababae, malalaki. Laging hiyawang-hiyawan. Tatawagan ka, pahiyaw : " Hoooooooooy!!" Sasagot ka, pahiyaw din, "Anuga!?" Laging napapagkamal-an ng taga Maynila na nagbabang-ayan dahil parang mga bingi kung magpulong, kainamang makahiyaw ay magkaharap naman.
Sa atin, baligtad. Pag hiyawang hiyawan, ang ibig sabihin close kayo. Paglakas ng hiyaw at pagmay kasama pang murahan, mas close pa kayo.
Pero, pag medyo malumanay ang pag uusap at ika nga'y di makabasag plato, ang ibig sabihin ay hindi kayo gasinong close.
Pag ika'y malambing magsalita, at medyo ika'y napa "di ba?" , ay nako, ay yari ka na. Noon, ang tawag sa taga Batangas na pa "di ba?, di ba?" ay nausukan lamang ng usok ng tambutso o ng BTCo (ang nawalang Batangas Tayabas Laguna Bus Co), ang kaisa-isang kumpanya ng bus na nabyahe ng Batangas-Lawton/Cubao. Sawit ang tawag sa ganyan. Nausukan ng tambutso.
Ngay-on, karaniwan na ang mga sawit sa Batangas sa dinami-dami na ng mga taga ibang lugar na piniling dito na tumira. Hindi na pinapansing gasino ang mga sawit ngay-on dito.
Hindi na alam ng marami ang BTCo dahil marami nang iba't ibang bus na nabyahe hindi lamang Batangas-Maynila kundi sa iba't ibang parte na ng bansa.
Bukod sa bus ay may mga van pa at sangkatuuuuuuuuuutak na jeep at tricycle.
Kanya nga, hindi na nakakapagtaka na maraming sawit ngay-on dine sa atin.
Ay minamaano mo kung gaano karaming usok ng tambutso ang araw araw na maaamoy ng mga tao dine? Ay maski batang bagong panganak pa laang, sawit na agad kung umuha!
Yaan naman ay galawan laang dine sa Ala Eh country.
Ngunit,datapwat,subalit ang usok ng tambutso ay hindi maaaring daanin lamang sa galawan.
Ngay-on, dapat ay alam natin na hindi basta masasawit laang ang makakaamoy ng usok ng tambutso. Bukod sa masamang epekto nito sa tao ay may masamang epekto ang mga usok na ito sa ating mundo. Isa ito sa mga nagiging dahilan ng Climate Change na ating pinagpupulungan sa blog na ito.
Sabi daw dito sa article na ito:
http://emb.gov.ph/news/1news2011/11/newsrelease_ECA-ASBU-Dec9.pdf
Lilingilin na raw pala ng Department of Environment and Natural Resources (DENR) ang kampanya laban sa smoke-belchers. Noong Dec 09,2011 nagkasundo na ang DENR,Department of Interior and Local Government (DILG), Department of Transportation and Communications (DOTC),Metro Manila Development Authority (MMDA), mayors ng Metro Manila,Kapisanan ng mga Brodkaster ng Pilipinas (KBP), and the Philippine Medical Association (PMA) ukol sa usaping ito.
Ay mainam naman kung gay-on.
Kabayan, maiba ako, itong bagang aking guro ay mataluti laang, ang gusto daw ay makita ang mga kumento ninyo dito. Marami sa mga nakakabasa ay nagme-message laang sa akin. Maaari gang diyan sa pababang yaan ninyo ilagay ang comments ninyo. Pwede naman ang anonymous na comment ih.
Sa ngay-on ay may mahigit na 700 na akong views dito sa site ko galing sa iba't ibang bansa. Maraming salamat sa inyo ha? Nag message na nga sa akin ang Philippine Science Centrum ih, napansin na are. Ay kasaya! (Ibig sabihi'y naintindihan nila areng blog ko?....ay di itong mga ito'y Ala Eh din?)
Marami pa kayong malalaman na ginagawa ng ating pamahalaan para maprotektahan ang ating kapaligiran at maapula ang climate change.
Usisain na laang ninyo dine: http://emb.gov.ph/
Maraming salamat ulit mga kabayan...sa uulitin ha?
Medyo medyo abala laang ngay-on dine sa atin, hindi gasinong maatupag ang pagba-blog. Pagnaisang araw na uli.
Banday ka na sa mga taga Maynila kung magsalita ay laging may lambing sa dulo, ikanga.
Ay sa Batangas naman,di ga kabayan, lalo na nuong kailan, walaaaaaaang kalambing-lambing kahit na sa umpisa, sa gitna at sa dulo ng pagsasalita, mababae, malalaki. Laging hiyawang-hiyawan. Tatawagan ka, pahiyaw : " Hoooooooooy!!" Sasagot ka, pahiyaw din, "Anuga!?" Laging napapagkamal-an ng taga Maynila na nagbabang-ayan dahil parang mga bingi kung magpulong, kainamang makahiyaw ay magkaharap naman.
Sa atin, baligtad. Pag hiyawang hiyawan, ang ibig sabihin close kayo. Paglakas ng hiyaw at pagmay kasama pang murahan, mas close pa kayo.
Pero, pag medyo malumanay ang pag uusap at ika nga'y di makabasag plato, ang ibig sabihin ay hindi kayo gasinong close.
Pag ika'y malambing magsalita, at medyo ika'y napa "di ba?" , ay nako, ay yari ka na. Noon, ang tawag sa taga Batangas na pa "di ba?, di ba?" ay nausukan lamang ng usok ng tambutso o ng BTCo (ang nawalang Batangas Tayabas Laguna Bus Co), ang kaisa-isang kumpanya ng bus na nabyahe ng Batangas-Lawton/Cubao. Sawit ang tawag sa ganyan. Nausukan ng tambutso.
Ngay-on, karaniwan na ang mga sawit sa Batangas sa dinami-dami na ng mga taga ibang lugar na piniling dito na tumira. Hindi na pinapansing gasino ang mga sawit ngay-on dito.
Hindi na alam ng marami ang BTCo dahil marami nang iba't ibang bus na nabyahe hindi lamang Batangas-Maynila kundi sa iba't ibang parte na ng bansa.
Bukod sa bus ay may mga van pa at sangkatuuuuuuuuuutak na jeep at tricycle.
Kanya nga, hindi na nakakapagtaka na maraming sawit ngay-on dine sa atin.
Ay minamaano mo kung gaano karaming usok ng tambutso ang araw araw na maaamoy ng mga tao dine? Ay maski batang bagong panganak pa laang, sawit na agad kung umuha!
Yaan naman ay galawan laang dine sa Ala Eh country.
Ngunit,datapwat,subalit ang usok ng tambutso ay hindi maaaring daanin lamang sa galawan.
Ngay-on, dapat ay alam natin na hindi basta masasawit laang ang makakaamoy ng usok ng tambutso. Bukod sa masamang epekto nito sa tao ay may masamang epekto ang mga usok na ito sa ating mundo. Isa ito sa mga nagiging dahilan ng Climate Change na ating pinagpupulungan sa blog na ito.
Sabi daw dito sa article na ito:
http://emb.gov.ph/news/1news2011/11/newsrelease_ECA-ASBU-Dec9.pdf
Lilingilin na raw pala ng Department of Environment and Natural Resources (DENR) ang kampanya laban sa smoke-belchers. Noong Dec 09,2011 nagkasundo na ang DENR,Department of Interior and Local Government (DILG), Department of Transportation and Communications (DOTC),Metro Manila Development Authority (MMDA), mayors ng Metro Manila,Kapisanan ng mga Brodkaster ng Pilipinas (KBP), and the Philippine Medical Association (PMA) ukol sa usaping ito.
Ay mainam naman kung gay-on.
Kabayan, maiba ako, itong bagang aking guro ay mataluti laang, ang gusto daw ay makita ang mga kumento ninyo dito. Marami sa mga nakakabasa ay nagme-message laang sa akin. Maaari gang diyan sa pababang yaan ninyo ilagay ang comments ninyo. Pwede naman ang anonymous na comment ih.
Sa ngay-on ay may mahigit na 700 na akong views dito sa site ko galing sa iba't ibang bansa. Maraming salamat sa inyo ha? Nag message na nga sa akin ang Philippine Science Centrum ih, napansin na are. Ay kasaya! (Ibig sabihi'y naintindihan nila areng blog ko?....ay di itong mga ito'y Ala Eh din?)
Marami pa kayong malalaman na ginagawa ng ating pamahalaan para maprotektahan ang ating kapaligiran at maapula ang climate change.
Usisain na laang ninyo dine: http://emb.gov.ph/
Maraming salamat ulit mga kabayan...sa uulitin ha?
Medyo medyo abala laang ngay-on dine sa atin, hindi gasinong maatupag ang pagba-blog. Pagnaisang araw na uli.
Tuesday, March 6, 2012
Magyakag na Kita ng Iba pang Sasaknong!
Sa mga nauna kong blogs, napaghuntahan na natin kung ano itong Global Warming o Climate Change. Naidakdak ko na rin kung bakit painit na ng painit ang hulab ng daigdig at kung ano ang malamang na mangyari sa mga apo natin sa talampakan kung hindi tayo sasaknong para maisalba ang mundo.
Alalaon nyo naman ay kanya pa ga tayo makapag paiba ng mangyayaring yaan ay sa laki ga ng daigdig ay papara tayo-tayo laang, makakagasino naman ang ating maiisaknong diyan?
Ay kaya ngaaaaaaa.... di ga'y gay-on nga. Kanya laang ay pag lahat tayo ay ganyan ang padale ay di lalong walang magyayari!
Yun na laang dampa ni Ka Dakuy duon sa ilaya, ay kanya pa ga nga mabuhat mag-isa ng matanda yuon para ilipat duon sa malapit lapit sa isang kapitbahay nuong mapagsolo na siya. Ay maski na siya'y magkalamay ng puro tabi, hindi niya maiitulak iyon mag-isa. Baken nuong magtawag ng sasaknong ay sang-ilan laang? Aba,nuong putaktihin ng sumasaknong, ay lasa ko nama'y kahit pa paikutin abot sa maliyo ang dampa ni Ka Dakuy!
Gay-on din ang Global Warming.
Ang kailangan laang ay magtawag tayo ng sasaknong. Lalo na ga sa atin sa Batangas, pag may nilagang kapeng barako at tinapay na kababayan ay katalo na! Anong sasabihin mong hindi natin kaya?
At saka hindi naman ito gaga-dampa laang ni Ka Dakuy na ililipat ng tayo, ay di ga'y lalo na! Walang di sang-ilan din naman ay may gurong-gurong, ay di ga-ulitin natin sa iba ang pulong ukol sa Global Warming.
Are ga ang maige nating gaw-in:
(sabi daw ito sa http://www.philatelicdatabase.com/united-states/postal-service%E2%80%99s-carbon-footprint-shrinks/ )
Tingni din are at are'y ayos din:
(galing naman ito sa
http://live-the-solution.com/wp-content/uploads/globalwarmingrecent.jpg)
Ay uu nga naman.
Ito namang site na ito ay may 12 suhestyon para tayo'y makatulong sa problema:
http://tiki.oneworld.net/global_warming/climate9.html
1. Makimalimali sa usapin ng Global Warming.
Wag daw tayong miron laang ki miron! Uunga laang ki uunga...halhal laang ki halhal ay hindi naman sinusugirgir ang sinasabi. Ariin mong ito'y isang malaking tsismis at pihadong mabilis pa sa alas kwatro ang kalat sa buong baranggay. Nakoh, pihong piho yaan!
2. Uriratin daw natin ang carbon footprints ng bawat isa.
(hiram laang sa http://www.emissionszero.com/userfiles/en-WhatIsACarbonFootprint.jpg )
Ganire naman ang sinasabi ng site na are: http://i118.photobucket.com/albums/o114/morysa/carbonfootprint.gif
3. Wag daw alapaw laang lagi ki alapaw sa sasakyang de motor. Pag ga naman malapit laang ay di lakarin na...kung nagmamadali ay di pumatikar!
Maski na ga ika'y hingasing pagdating, ay anupa, nakatulong ka naman sa planeta!
4. Pag ari naman na bubuksan na laang ang bintana, ay di yae nang walang electric fan o aircon.
5. Wag na daw mamili ng isteytsayd o yung mga produktong gawa sa malalayong lugar. Dahil daw, ang mga ito ay nagamit ng maraming gasolina sa pagdi-deliver. (Naka!! nalintikan na!..pasintabi naman, ay mariri itong isang ito.., ay pero sabi daw ih!)
6. Wag na daw lumayo sa pagbabakasyon para hindi maka kunsumo ng gasolina. Kung gustong mag outing ay di sa tapat na laang..o basta't sa malapit lapit.
7. Kung talaga daw kailangang gumamit ng sasakyang de-motor, tumakbo lamang ng mabagal at mas mababa sa speed-limit. Gumamit daw ng sasakyang diesel ang karga.
8. Kung maaari at kaya naman gumamit ng solar energy, ay di mas maige.
9.Sa bahay na laang lagi kumain at di lagi na laang pabayan at kakain sa restawran para kaunti ang gamit ng gasolina. Gulay na laang daw hangga't maari ang kainin. (Ay sya, masusuya ka naman sa bulanglang araw araw!)
10.Reduce. Reuse. Recycle.
Ang walaaaaaang kamatayang 3R's.
11. Patayin ang mga appliances at ilaw pag hindi naman gamit.
12. Wag mo nang in-inin, ibida mo raw agad sa sanlaksa ang tungkol sa Global Warming!!! (Aba'y banday ka na sa ginagawa kong ito! )
Alalaon nyo naman ay kanya pa ga tayo makapag paiba ng mangyayaring yaan ay sa laki ga ng daigdig ay papara tayo-tayo laang, makakagasino naman ang ating maiisaknong diyan?
Ay kaya ngaaaaaaa.... di ga'y gay-on nga. Kanya laang ay pag lahat tayo ay ganyan ang padale ay di lalong walang magyayari!
Yun na laang dampa ni Ka Dakuy duon sa ilaya, ay kanya pa ga nga mabuhat mag-isa ng matanda yuon para ilipat duon sa malapit lapit sa isang kapitbahay nuong mapagsolo na siya. Ay maski na siya'y magkalamay ng puro tabi, hindi niya maiitulak iyon mag-isa. Baken nuong magtawag ng sasaknong ay sang-ilan laang? Aba,nuong putaktihin ng sumasaknong, ay lasa ko nama'y kahit pa paikutin abot sa maliyo ang dampa ni Ka Dakuy!
Gay-on din ang Global Warming.
Ang kailangan laang ay magtawag tayo ng sasaknong. Lalo na ga sa atin sa Batangas, pag may nilagang kapeng barako at tinapay na kababayan ay katalo na! Anong sasabihin mong hindi natin kaya?
At saka hindi naman ito gaga-dampa laang ni Ka Dakuy na ililipat ng tayo, ay di ga'y lalo na! Walang di sang-ilan din naman ay may gurong-gurong, ay di ga-ulitin natin sa iba ang pulong ukol sa Global Warming.
Are ga ang maige nating gaw-in:
Tingni din are at are'y ayos din:
(galing naman ito sa
http://live-the-solution.com/wp-content/uploads/globalwarmingrecent.jpg)
Ay uu nga naman.
Ito namang site na ito ay may 12 suhestyon para tayo'y makatulong sa problema:
http://tiki.oneworld.net/global_warming/climate9.html
1. Makimalimali sa usapin ng Global Warming.
Wag daw tayong miron laang ki miron! Uunga laang ki uunga...halhal laang ki halhal ay hindi naman sinusugirgir ang sinasabi. Ariin mong ito'y isang malaking tsismis at pihadong mabilis pa sa alas kwatro ang kalat sa buong baranggay. Nakoh, pihong piho yaan!
2. Uriratin daw natin ang carbon footprints ng bawat isa.
(hiram laang sa http://www.emissionszero.com/userfiles/en-WhatIsACarbonFootprint.jpg )
Ganire naman ang sinasabi ng site na are: http://i118.photobucket.com/albums/o114/morysa/carbonfootprint.gif
3. Wag daw alapaw laang lagi ki alapaw sa sasakyang de motor. Pag ga naman malapit laang ay di lakarin na...kung nagmamadali ay di pumatikar!
Maski na ga ika'y hingasing pagdating, ay anupa, nakatulong ka naman sa planeta!
4. Pag ari naman na bubuksan na laang ang bintana, ay di yae nang walang electric fan o aircon.
5. Wag na daw mamili ng isteytsayd o yung mga produktong gawa sa malalayong lugar. Dahil daw, ang mga ito ay nagamit ng maraming gasolina sa pagdi-deliver. (Naka!! nalintikan na!..pasintabi naman, ay mariri itong isang ito.., ay pero sabi daw ih!)
6. Wag na daw lumayo sa pagbabakasyon para hindi maka kunsumo ng gasolina. Kung gustong mag outing ay di sa tapat na laang..o basta't sa malapit lapit.
7. Kung talaga daw kailangang gumamit ng sasakyang de-motor, tumakbo lamang ng mabagal at mas mababa sa speed-limit. Gumamit daw ng sasakyang diesel ang karga.
8. Kung maaari at kaya naman gumamit ng solar energy, ay di mas maige.
9.Sa bahay na laang lagi kumain at di lagi na laang pabayan at kakain sa restawran para kaunti ang gamit ng gasolina. Gulay na laang daw hangga't maari ang kainin. (Ay sya, masusuya ka naman sa bulanglang araw araw!)
10.Reduce. Reuse. Recycle.
Ang walaaaaaang kamatayang 3R's.
11. Patayin ang mga appliances at ilaw pag hindi naman gamit.
12. Wag mo nang in-inin, ibida mo raw agad sa sanlaksa ang tungkol sa Global Warming!!! (Aba'y banday ka na sa ginagawa kong ito! )
Monday, March 5, 2012
masama ang pakilasa.. =(
Ako'y hindi muna pakakapagpaliwanag ngay-on ha, ako laa'y masama ang pakilasa.
Pakiwari ko'y ako'y nabati nuong tagarine sa amin na magwiwiteng. Lagi namang hikap maski kainitang kainitan ay sa lakas naman ng bati! Ay talagang igugupu ka pag hindi mo naunahang batiin. Pag ika'y naunahan, ay siya, baldado ka naman sa liyo. Hahabulin mo para laang makapagpalaway.
Lasa ko'y ako'y nabati kanina. Hirol ang ulo ko ih! ...at wating wating ang aking tingin. Sinangyod ko na ang pang-luup ng pamangkin ko sa kanyang anak na nagliligalig, hindi pa rin naaalis.
Bukas na laang uli ako sisinsay, kabayan..
Pakiwari ko'y ako'y nabati nuong tagarine sa amin na magwiwiteng. Lagi namang hikap maski kainitang kainitan ay sa lakas naman ng bati! Ay talagang igugupu ka pag hindi mo naunahang batiin. Pag ika'y naunahan, ay siya, baldado ka naman sa liyo. Hahabulin mo para laang makapagpalaway.
Lasa ko'y ako'y nabati kanina. Hirol ang ulo ko ih! ...at wating wating ang aking tingin. Sinangyod ko na ang pang-luup ng pamangkin ko sa kanyang anak na nagliligalig, hindi pa rin naaalis.
Bukas na laang uli ako sisinsay, kabayan..
Sunday, March 4, 2012
Taog o Kati?
Iraw nga ga sabihin mo ng mabilis na paulit ulit..Minikaniko ni Monico ang makina ng minica ni Monica(5x)!
(Wala laang..pag wala nang bumangka sa ungkutan, pwede itong pagpaliiran..wala nang mapag isturyahan ih. Ang maunang ma-utal, may pitik. Ang pinakamapula ang bukong ay di sya ang putot.)
Maipagparoon ko sa ating pulong tungkol sa global warming na ipinangangalandakan ni Al Gore, at ngay-o'y ipinangangalandakan ko na rin, naulit sa akin ng isang kaibigan na mas maige raw itawag ay climate change kaysa global warming dahil wala raw namang global colding. Ay kako nga rin...
Pero, maski naman ano ang ating itawag ay gay-on pa din ang problema natin, ang patuloy na pag-init ng ating planeta dahil sa green house gases na ang tao ang may kagagaw-an. At dahil sa tao naman ang puno't dulo ay di tao rin laang ang makakatulong malutas ang problema ng climate change o global warming,kung anuman ang gusto ninyong itawag diyan.
Duon sa sine ni Al Gore, may ipinakita syang frog experiment. Ang kawikaan nya duon, pag daw ang isang palaka ay inilagay mo sa isang kawa na may nakulong tubig, pamihadong-pamihado, ang palaka ay karakang dadapulas ng lundag palayo sa init. Ay natural, nabanlian nga naman ih..ikaw mang 'yan!
Pero, pag ang tubig daw sa kawa ay maligamgam laang , ang palaka ay hindi lulundag. Ngay-on, utay-utay mong laksan ang apoy sa ilalim ng kawa. Pag gay-on daw na utay-utay, ang kataw-an ng palaka ay nag a-adjust din ng init kaya hindi nito namamalayan na ang tubig ay painit nang painit. Nakita ko ang video na ito na gaya ng ipinakita ni Al Gore sa An Inconvenient Truth:
http://www.youtube.com/watch?v=APxGubAkOz0&feature=youtu.be
Sa madaling sabi, ay ganito ang pagtatapusan ng palaka pag utay-utay laang ang apoy sa ilalim ng kawa:
( hiniram laang ito sa : http://the-gathering-storm.blogspot.com/2009_04_01_archive.html )
Ala!!!? Ay kita mo ga nga naman,kabayan? Ay umis-kuto pa ih! Mamaas-maas ay pamayamaya pa'y tig-ok na siya!
Parang gay-on laang daw ang mundo, yung tubig sa kawa. Ang global warming o climate change, yun naman ang apoy. Ay parang sino naman yuong palaka??
Ay hula-i!!
Pagkaga nga naman painit ng painit ang daigdig, ay di matutunaw nga naman yung mga yelo sa malalamig na parte ng mundo ,halimbawa'y sa Greenland..(ala! hanapin mo na laang ang Greenland sa mapa)
Ang Greenland ay unti unting natutunawan na ng mga yelo.
Ito ay isang illustration ng Greenland batay sa pagkatunaw ng yelo:
(hiram laang sa http://www.openmarket.org/2009/08/03/policy-peril-segment-4-sea-level-rise/)
Ala!!!? Kalaunan pala ay mabubura na yaang lugar na yaan at tunaw na lahat!
Ay maano naman kan'yo?
Pag ang yelo ay natunaw, syimpre ay nagiging tubig. Ang ibig sabihin, madadagdagan naman ng tubig ang ating mga karagatan. Pagdami ng tubig sa dagat, ay di panay ta-og! Alam na alam naman natin kung ano ang nangyayari pag ta-og.
Tanda ko pa noong 1994, sa Miss Universe competition, ang tanong kay Charlene Gonzales ay kung ilang pulo meron sa Pilipinas. Ang sagot ni Charlene ay tanong din, 'High tide or low tide?'?
Ay kailangan nga nama'y linawin, dahil pag ta-og, ang pulo daw ay 7,107 laang. Pero pag kati, tayo daw ay may 7,108 na pulo sa ating bansa.
Ang nakakahilakbot sa pag ta-og gawa ng global warming na ito, ay hindi gagaisang isla laang sa Pilipinas ang lulubog pag nagkataon. Baka pagsali ng apo sa talampakan ni Charlene sa Miss Universe pagdating ng panahon at tanungin sya kung ilang pulo tayo meron ay hindi na 7,107 at 7,108 ang bilang.
At dahil taga Mataas na Kahoy na yaang sina Charlene at ang mga apo niyan ay Batanguena na, ay baka ang isagot:
"Ta-og ga po o kati? Pag ta-og po ay mer-on kaming 107 na pulo, pag kati naman ay 108."
(..ika naman ng aking umpe : 'santa anang malalapad ang dahon! ay napasaan ang 7,000?')
(Wala laang..pag wala nang bumangka sa ungkutan, pwede itong pagpaliiran..wala nang mapag isturyahan ih. Ang maunang ma-utal, may pitik. Ang pinakamapula ang bukong ay di sya ang putot.)
Maipagparoon ko sa ating pulong tungkol sa global warming na ipinangangalandakan ni Al Gore, at ngay-o'y ipinangangalandakan ko na rin, naulit sa akin ng isang kaibigan na mas maige raw itawag ay climate change kaysa global warming dahil wala raw namang global colding. Ay kako nga rin...
Pero, maski naman ano ang ating itawag ay gay-on pa din ang problema natin, ang patuloy na pag-init ng ating planeta dahil sa green house gases na ang tao ang may kagagaw-an. At dahil sa tao naman ang puno't dulo ay di tao rin laang ang makakatulong malutas ang problema ng climate change o global warming,kung anuman ang gusto ninyong itawag diyan.
Duon sa sine ni Al Gore, may ipinakita syang frog experiment. Ang kawikaan nya duon, pag daw ang isang palaka ay inilagay mo sa isang kawa na may nakulong tubig, pamihadong-pamihado, ang palaka ay karakang dadapulas ng lundag palayo sa init. Ay natural, nabanlian nga naman ih..ikaw mang 'yan!
Pero, pag ang tubig daw sa kawa ay maligamgam laang , ang palaka ay hindi lulundag. Ngay-on, utay-utay mong laksan ang apoy sa ilalim ng kawa. Pag gay-on daw na utay-utay, ang kataw-an ng palaka ay nag a-adjust din ng init kaya hindi nito namamalayan na ang tubig ay painit nang painit. Nakita ko ang video na ito na gaya ng ipinakita ni Al Gore sa An Inconvenient Truth:
http://www.youtube.com/watch?v=APxGubAkOz0&feature=youtu.be
Sa madaling sabi, ay ganito ang pagtatapusan ng palaka pag utay-utay laang ang apoy sa ilalim ng kawa:
( hiniram laang ito sa : http://the-gathering-storm.blogspot.com/2009_04_01_archive.html )
Ala!!!? Ay kita mo ga nga naman,kabayan? Ay umis-kuto pa ih! Mamaas-maas ay pamayamaya pa'y tig-ok na siya!
Parang gay-on laang daw ang mundo, yung tubig sa kawa. Ang global warming o climate change, yun naman ang apoy. Ay parang sino naman yuong palaka??
Ay hula-i!!
Pagkaga nga naman painit ng painit ang daigdig, ay di matutunaw nga naman yung mga yelo sa malalamig na parte ng mundo ,halimbawa'y sa Greenland..(ala! hanapin mo na laang ang Greenland sa mapa)
Ang Greenland ay unti unting natutunawan na ng mga yelo.
Ito ay isang illustration ng Greenland batay sa pagkatunaw ng yelo:
(hiram laang sa http://www.openmarket.org/2009/08/03/policy-peril-segment-4-sea-level-rise/)
Ala!!!? Kalaunan pala ay mabubura na yaang lugar na yaan at tunaw na lahat!
Ay maano naman kan'yo?
Pag ang yelo ay natunaw, syimpre ay nagiging tubig. Ang ibig sabihin, madadagdagan naman ng tubig ang ating mga karagatan. Pagdami ng tubig sa dagat, ay di panay ta-og! Alam na alam naman natin kung ano ang nangyayari pag ta-og.
Tanda ko pa noong 1994, sa Miss Universe competition, ang tanong kay Charlene Gonzales ay kung ilang pulo meron sa Pilipinas. Ang sagot ni Charlene ay tanong din, 'High tide or low tide?'?
Ay kailangan nga nama'y linawin, dahil pag ta-og, ang pulo daw ay 7,107 laang. Pero pag kati, tayo daw ay may 7,108 na pulo sa ating bansa.
Ang nakakahilakbot sa pag ta-og gawa ng global warming na ito, ay hindi gagaisang isla laang sa Pilipinas ang lulubog pag nagkataon. Baka pagsali ng apo sa talampakan ni Charlene sa Miss Universe pagdating ng panahon at tanungin sya kung ilang pulo tayo meron ay hindi na 7,107 at 7,108 ang bilang.
At dahil taga Mataas na Kahoy na yaang sina Charlene at ang mga apo niyan ay Batanguena na, ay baka ang isagot:
"Ta-og ga po o kati? Pag ta-og po ay mer-on kaming 107 na pulo, pag kati naman ay 108."
(..ika naman ng aking umpe : 'santa anang malalapad ang dahon! ay napasaan ang 7,000?')
Subscribe to:
Posts (Atom)
