Mga kabayang nasa abroad, baka kayo'y mamaas-maas at hindi pa ninyo alam ang 'in' ngay-ong araw na ito. Ito nama'y walang kuneksyon sa tema ng blog ko pero,datapwat,subalit ako laa'y talagang hindi maka-agwantang hindi ito babanggitin.
Kanya laang ay baka naman ako'y masakure ng aking guro na magbabasa nito ay di kayo na laang ang magbasa ng inyo, are na laang ang link, yan nama'y pipindutin na laang ninyo:
http://ph.news.yahoo.com/court-drama--prosecution-s-aguirre-cited-in-contempt-for--disrespect-.html
O di ga? Sabi nga ng slogan ng tourism ngay-on: "It's more fun in the Philippines!". Ay uu nga!
Ang masasabi ko na laang sa mga magagaling na yaan, "Ay di kayo na nga!!! ..Kayo na!!"
Pagkakahihigpit din nga kaliligalig ng mga tao. Ayaw bagang umayos lahat at nang matapos na yaang impeachment na yaan. Wala nang mapanuod na iba ih! Para nayaang si Ka Igil ih, nakakagigil!
Basta ang sumatutal, ang words for the day dito sa Pilipinas ngay-ong araw na ito ay:
"Waaah!" at "gago".
Sa mga hindi alam ang ibig sabihin niyan ay ito ang aking pagkakaintindi diyan:
"Waah!" - yan ay hindi salita, yan ay isang expression..kumbaga sa atin,kung tayo'y bagong luwas pa laang sa kabayanan at nakita nating ang hagdanan sa SM ay naibong paibaba at paitaas, ano gang masasabi agad natin sa ating sarili: "Ala!!!?" yan, ay expression natin sa kung anu-anong nakikita natin na nakakamangha,o bago sa ating paningin, at tayo'y nahanga o nabaguhan.
Ang "Ala!!!?" ay iba pa sa "Ala!" , ang "Ala!" ay isang salita na ang ibig sabihin ay ayaw mo. Malimit itong gamitin pag inuutusan ka at ayaw mong maabala sa ginagawa mo,sasabihin mo "Ala!" .
Iba pa diyan ang "Ala". Yan naman ay pandagdag na panimula laang natin sa kahit na anong gusto nating sabihin, halimbawa'y bihis kang dadaan sa kalehon, lahaaaaaaaaaaaat ng dadaanan mong kapitbahay ay tatanungin ka kung ika'y pasaan. Ang marani mong sagot "Ala,pabayan laang at bibiling pang-ulam", sa halip na "Pabayan laang at bibiling pang-ulam".
Ang "Waah!" ay parang "Ala!!!?" kanya laang ang "Waah!" ay hindi sinasabi pag nababaguhan o namamangha ka. Yan ay sinasabi mo sa sarili mo pag ika'y banaaaaaaaaas na banas na sa kaulagaan ng kausap mo.
Ang sabi ng Senadora Miriam, irecord daw ng senate secretariat sa transcript ng impeachment na sinabi niyang "Waah!" para sa mga abugado ng prosecution. (Mantakin mong ipasulat pa talaga)
Ayos laang naman kay Senador Sotto,ang tanong daw laang ni Senador Osmena kay Miriam ay kung anong spelling ng "Waah!".
Kung ika'y ga'y kagaya kong nakakapanuod ng trial, kahit ka Batangueno ay hindi "Ala!!!?" ang maiibulalas mo ih, ika'y mapapa- "Waaaaaaaaaaaaaaah!!!"
Ang isa pang word for the day ay 'gago'.
Sa atin sa Batangas ang pinakamalapit na ibig sabihin niyan ay usbaw.
Ang sabi ni Senadora sa mga abugado ng prosecution "Ang yayabang nyo, gago naman!"
Yan..., diyan ka na mapapa - "Ala!!!?"
Ang prosecution naman, nakiusap na kung maaari daw ay burahin sa transcript ng trial ang salitang "G-A-G-O" na sinabi ni Miriam. Hindi yata sanay umimik ng gago yung abugado kaya ang ginawa ay di ini-spell na laang nga naman.
(Magaling na laang at hindi nagtanong si Senador Osmena kung malaking titik lahat o maliit na titik lahat)
Anugang lalahuga ng mga ito!! Hindi na mga marunong magpasintabi ay may nakakapanuod namang iba'y nakakahiya na din naman!
Ay hindi bale kung tayu-tayo laang at kataasa'y huwag iboto sa sunod na eleksyon ang mga nakakasulak ng dugo.
Di ga?
(Bukas ko na laang itutuloy ang kay Al Gore ha?...)
Wednesday, February 29, 2012
Tuesday, February 28, 2012
Utay-utay Tayong Nauuom!
Ako'y bundat na bundat dahil kapapamahaw laang..sa pasal ko kanina'y kahit panis ang mabungkal kong pagkain dine sa amin ay siguradong lalantakan ko pa rin!
Magaling na laang at matino naman ang mga tira-tirang kung anu-ano sa pridyider namin. May kaputol na pritong galunggong na matab-ang, (salagay nama'y naiga na ang palanas sa Batangas at wala nang asin), may nabuklat akong kahon ng KFC na may lamang binalot na bahaw,wala naman ang prayd chicken. Pero naruon pa naman ang gravy. Ay ano pa, di lamang tiyan din.
Kaya ito, magba-blog muna ulit at ito'y sisilipin ng aking guro ay makikitang wala akong blog ngay-ong araw. Goodluck na nga laang sa kanya kung maintindihan niya,hehe.
Anupa't kahapon ay natalakay ko nga ang athmosphere at ang apat na layers nito pati na ang tinatawag ngang ozone layer na tagasala ng init ng araw na ayon sa pag aaral ay nanipis na at nabubutas dahil sa epekto ng CFC o chlorofluorocarbons na ginagamit sa ating mga ref at aircon. Dahil nga daw sa CFC kaya nanipis ang ozone layer at hindi masdayong makasala ng init,kaya naman napakainit pag nakainit.
Kakulit baga ng lahi ano?..(ay,syimpre'y review muna!)
Ngay-on, talakayin naman natin ang GHG o ang green house gas na sinasabi ni Al Gore sa kanyang documentary na "An Inconvenient Truth".
Ito ulit yung illustration ha? Tingni at nang mapagtanto mo ang aking ipaliliwanag:
Ayon sa paliwanag, dapat yung nasala na ng ozone layer na mga sibat ng init galing sa araw, matapos mamudbod ng katamtamang init sa lupa at sa tubig, ay lalabas ulit sa athmosphere. Kumbaga ay tatalbog laang dapat at magiiwan ng kainaman nga laang para mabuhay tayo dito sa mundo..
Natalbog naman nga papalabas ang init, pero ang siste, sa halip na didiretso ulit palabas at palayo sa mundo, ito at nauumpog sa green house gases na naiipon sa athmosphere, (Ayun ga!yung nasa gitna na parang skyway!) at sa halip na lumabas lahat ay natalbog laang ulit pabalik sa lupa at tubig.
Ito pa ang isang illustration ng epekto ng GHG:
At isipin mo nga naman, pag ga laging sobra sa katamtaman ang naiiwanan sa atin na init galing sa araw, di ga'y para laang tayong unti unting pinakukuluan!
Samakatuwid, kabayan, tayo ay utay-utay na nauuom!
(Ala! wag na ninyong usisain kung saan ko ito nakuha at talaga laang ako'y si kalimot. Dispensa. Basta't yaa'y sa internet ko rin laang nakuha..Para ngang nakakawangki ng aking mamay sa tuhod yaang lalaking yan sa drowing ih!)
O, ay anong masasabi mo diyan?
Ay hari nga'y naggagagalaw laang ang mga scientists na yaan!
Aba'y kung hindi ay kailanga'y nag aasawa na muna yaang mga sultero at sultera diyan. Lalung lalo na ang kumpare ko sa Cuenca at kumare ko sa Balayong.
Bago man laang kitang lahat mauum!
Usap na!
Monday, February 27, 2012
Uulan,Iinit, Nagpapatuyo ng Malagkit..
Tanda ko pa nuong kailan, bibihira lamang mangyari na uulan iinit. Nuon, pag naulan, naulan lamang, pag naman mainit ay di mainit laang, walang ulan..pero may pagdaang talagang uulan iinit sa isang araw lamang..ang sabi ng mga T'yo Kaka,'uulan iinit,nagpapatuyo ng malagkit'. O kaya naman ang sabi nang magnununo, may ikinakasal daw na tigbalang at tigbalaok..ang hindi ko alam ay kung alin ang babae duon sa tigbalang at tigbalaok..hindi ko na rin nausisa.
Pero noon nga iyon.
Ngay-on ay napakalaking iba na. Wala nang tag init wala nang tag ulan, labulabo na. Kung anu na laang ang dumating. Yan ang talagang tinatawag na bahala na ang panahon. Datirati, pag Mayo at may araw ka sa tuklong, guyod kayo sa kapilya, mag aalay ng itlog kay Santa Clara para hindi ulanin ang padasal mo. Isang dosena dapat ang isasabit doon sa kapilya.
Pag gay-on, ay sya, ayos na ang buto buto. Lagay na ang loob na hindi uulanin. Paano ga naman ay syempre, yun ga namang nakapamili ka na ng busa para sa pasasoy,dalwang klase pa ha? May bilog at may haba na busa,pero busa din. Masaya na ang mga magdadasal na manganganta sa tuklong,pati mag aalay na mga bata,kasisigla pag alam na may pasasoy.
Walang juice noon, hindi pa uso. Iinom ka na ng iyo sa inyo. Bawal maluugan dahil hindi uso ang panulak sa pasasoy. Pasasoy na pasasoy nga laang.
Maaga pa, dinidilig na ang lupa sa tuklong dahil pag hindi ay kainamang kagabok. Lalo na pag natapos na ang dasal at bigayan na nang pasasoy ay sya, karibok na karibok ang mga bata..pati askal karibok! At ang mga askal ha? kulang na laang ay ipagsali sa mag aalay. Aba'y kamali mali naman lagi sa loob ng tuklong. Kung hindi mo laging tatadyakan o babalibangin para umalis. (Hindi pa bawal manadyak ng askal nuong una..pero ngay-on, subukan mong manadyak ng askal at 'animal cruelty' ang kaso mo, yari ka naman ngay-on sa mga animal rights advocates)
Ibig sabihin ko, noong una, gay-on laang ang basehan natin ng panahon, isandosenang itlog na alay kay Santa Clara.
Ay ngay-on, kahit isang trak na itlog ang ialay mo, hindi mo mapipiho ang panahon.
Init na init,biglang biglang bubuhos ang naaaaaapakalas na ulan na akala mo'y gunaw na! Ultimong PAGASA ay liyong liyo na! Nasibak na nga sa trabaho ang PAGASA head na si Prisco Nilo noong Agosto 2010, sa kasurahan na ni Pangulong Noynoy.
Sino nga naman ang hindi masusuklam, ay naturingang may PAGASA tayo pero nalusutan tayo ng Ondoy noong 2009 at hindi pa tayo nakakaahon, nalusutan na naman tayo ng Basyang noong 2010.
Walang maaaring makalimot sa bagsik ng Ondoy. Ang pinakamalapit nang maiitawag ko sa Ondoy ay 'gunaw'.
Kung tutuusin, hindi naman PAGASA ang problema natin. Hindi ang mga equipment, hindi ang mga tao kundi CLIMATE CHANGE (na ang tawag na iba ay global warming.)
Makikita natin sa link na ito http://www.vtaide.com/png/atmosphere.htm
ang drowing ng athmosphere sa ibaba:
Kita mo ga diyan may apat na layer ng Athmosphere? Dito sa mga layers na ito nadaan ang sun rays o sinag ng araw na napakainit.
Mula sa lupa, naiyan muna ang Troposphere, yung pinaka malapit sa atin.
Tapos naiyan ang Stratosphere na kung saan ay naroon naman ang tinawag na ozone layer. Tayo nama'y ozone layer laang ki-ozone layer ay wari ko nama'y ang iba'y hindi din alam kung ano yuon,pustahan pa?
Di ga nga't pag may magsisilab ng ginapas na damo sa luuban, (na kahit naman sariwa pa ang damo at kagagapas laang naman ay nginangalingali ang pag iimis,sisilabin agad! kaninaman na!) sasabihin natin sa kahanggan:
"Hoooy, kita mo ga naman kung gaano kakapal ang usok ng silab mo? Ay sya ka, paninipisin mo ang ozone layer!"
..Kow! kala mo nama'y tuong alam kung ano yuon, at may pagpalahaw pa! Paano kung sabihin ng kahanggan:
"Ay anu ga yung ozone layer na yuon,nakakain baga yuon?, Hige nga iyong ipaliwanag?"
O, ay ano ka ngay-on pag di mo alam? Hah! Kataasa'y magpapalusot ka na laang pag gay-on,ano nga? Sasabihin mo sa kapitbahay:
"Are naman,kataluti mo ga!..Anu gang ozone layer, wala naman akong sinasabing gay-on, bingi ito! Ang sabi ko, patayin mo yang silab mo at nauusukan ang sinampay ko! Kadami ko pa namang nilabhan!(magagalit si misis!)"
Ayan. Gay-an pag hindi naiintindihan. Sya, aralin na agad dine!
Ang Ozone Layer ay isang manipis na layer na siyang nasagap ng mga harmful ultraviolet radiation galing sa araw. Ang sabe daw, panipis na ito ng panipis sa Europe, Asia, North America at Antarctica. Sabi pa daw ay may mga butas na na nakikita sa ozone layer.
Ahhhhhh....ay di kaya gay-on nga kung maka init ngay-on, anaki lagi'y nasa sa loob ng pugon!
Ang patatlong layer ng athmosphere ay Mesosphere ang tawag.
At ang pang apat at pinakamalayo sa mundo, na pinakamainit din dahit pinakamalapit naman sa araw, ay ang Thermosphere.
O, ayan ha? Alam na natin ang Athmosphere, apat na sapi pala yaan. At sinasabi nga na ayon sa pag aaral ng mga paham, ang Ozone layer ay nanipis na ng nanipis..at ang pinakamatindi ay may mga butas na daw.
Kung ang Ozone layer pala ang taga absorb o tagabawas ng init na nasasagap natin galing sa araw, at ito ay nanipis na at nagkakabutas butas na, ay di talaga ngang iinit kai-kainaman!
Bakit daw nanipis at nagkakabutas ang Ozone layer?
Ang salarin ay ang Chlorofluorocarbons or CFCs na ginagamit sa refrigerants at coolants o sa ating mga ref at aircon. Ang CFC ay mas mabigat sa hangin pero nakaka akyat ito sa Atmosphere sa loob ng dalwa hanggang limang taon!
Pag ito raw CFC na ito ay nasa sa Stratosphere na, binabasag ito ng ultraviolet radiation at nagiging chlorine compounds na tinatawag ding Ozone Depleting Substance (ODS). Itong mga chlorine atoms na ito ang salot sa mga ozone, maski na nag iisa lamang, kaya nitong bumasag ng ozone molecules ng paaaaaulit ulit!
Hala! Ay papaano, ay di painit na nga laang yan ng painit pag di natin pinuksa ang CFC na yan?
Ngunit, datapwat subalit.....hindi laang CFC ang salarin.
Sa susunod, talakayin natin ang tinatawag na Greenhouse Gases na tinutukoy ng nasa babang illustration:
Sa site na ito http://marinebio.org/oceans/conservation/global-warming.asp ko ito hiniram.
Hoooooooy! Gisiiiiiiing! Tulog na yata ih! Anugayan?
Sya, yaman din laang na ako yata'y tinulugan na ng aking kapulong, ay ako'y tutulog na rin muna. Ang oras sa Ala Eh City ay ganap na ika 1:06 ng umaga..
Nakapaghiwalay na ang katawan ng mga aswang!
Ihanda na ang mga bawang at asin!
g
Pero noon nga iyon.
Ngay-on ay napakalaking iba na. Wala nang tag init wala nang tag ulan, labulabo na. Kung anu na laang ang dumating. Yan ang talagang tinatawag na bahala na ang panahon. Datirati, pag Mayo at may araw ka sa tuklong, guyod kayo sa kapilya, mag aalay ng itlog kay Santa Clara para hindi ulanin ang padasal mo. Isang dosena dapat ang isasabit doon sa kapilya.
Pag gay-on, ay sya, ayos na ang buto buto. Lagay na ang loob na hindi uulanin. Paano ga naman ay syempre, yun ga namang nakapamili ka na ng busa para sa pasasoy,dalwang klase pa ha? May bilog at may haba na busa,pero busa din. Masaya na ang mga magdadasal na manganganta sa tuklong,pati mag aalay na mga bata,kasisigla pag alam na may pasasoy.
Walang juice noon, hindi pa uso. Iinom ka na ng iyo sa inyo. Bawal maluugan dahil hindi uso ang panulak sa pasasoy. Pasasoy na pasasoy nga laang.
Maaga pa, dinidilig na ang lupa sa tuklong dahil pag hindi ay kainamang kagabok. Lalo na pag natapos na ang dasal at bigayan na nang pasasoy ay sya, karibok na karibok ang mga bata..pati askal karibok! At ang mga askal ha? kulang na laang ay ipagsali sa mag aalay. Aba'y kamali mali naman lagi sa loob ng tuklong. Kung hindi mo laging tatadyakan o babalibangin para umalis. (Hindi pa bawal manadyak ng askal nuong una..pero ngay-on, subukan mong manadyak ng askal at 'animal cruelty' ang kaso mo, yari ka naman ngay-on sa mga animal rights advocates)
Ibig sabihin ko, noong una, gay-on laang ang basehan natin ng panahon, isandosenang itlog na alay kay Santa Clara.
Ay ngay-on, kahit isang trak na itlog ang ialay mo, hindi mo mapipiho ang panahon.
Init na init,biglang biglang bubuhos ang naaaaaapakalas na ulan na akala mo'y gunaw na! Ultimong PAGASA ay liyong liyo na! Nasibak na nga sa trabaho ang PAGASA head na si Prisco Nilo noong Agosto 2010, sa kasurahan na ni Pangulong Noynoy.
Sino nga naman ang hindi masusuklam, ay naturingang may PAGASA tayo pero nalusutan tayo ng Ondoy noong 2009 at hindi pa tayo nakakaahon, nalusutan na naman tayo ng Basyang noong 2010.
Walang maaaring makalimot sa bagsik ng Ondoy. Ang pinakamalapit nang maiitawag ko sa Ondoy ay 'gunaw'.
Kung tutuusin, hindi naman PAGASA ang problema natin. Hindi ang mga equipment, hindi ang mga tao kundi CLIMATE CHANGE (na ang tawag na iba ay global warming.)
Makikita natin sa link na ito http://www.vtaide.com/png/atmosphere.htm
ang drowing ng athmosphere sa ibaba:
Kita mo ga diyan may apat na layer ng Athmosphere? Dito sa mga layers na ito nadaan ang sun rays o sinag ng araw na napakainit.
Mula sa lupa, naiyan muna ang Troposphere, yung pinaka malapit sa atin.
Tapos naiyan ang Stratosphere na kung saan ay naroon naman ang tinawag na ozone layer. Tayo nama'y ozone layer laang ki-ozone layer ay wari ko nama'y ang iba'y hindi din alam kung ano yuon,pustahan pa?
Di ga nga't pag may magsisilab ng ginapas na damo sa luuban, (na kahit naman sariwa pa ang damo at kagagapas laang naman ay nginangalingali ang pag iimis,sisilabin agad! kaninaman na!) sasabihin natin sa kahanggan:
"Hoooy, kita mo ga naman kung gaano kakapal ang usok ng silab mo? Ay sya ka, paninipisin mo ang ozone layer!"
..Kow! kala mo nama'y tuong alam kung ano yuon, at may pagpalahaw pa! Paano kung sabihin ng kahanggan:
"Ay anu ga yung ozone layer na yuon,nakakain baga yuon?, Hige nga iyong ipaliwanag?"
O, ay ano ka ngay-on pag di mo alam? Hah! Kataasa'y magpapalusot ka na laang pag gay-on,ano nga? Sasabihin mo sa kapitbahay:
"Are naman,kataluti mo ga!..Anu gang ozone layer, wala naman akong sinasabing gay-on, bingi ito! Ang sabi ko, patayin mo yang silab mo at nauusukan ang sinampay ko! Kadami ko pa namang nilabhan!(magagalit si misis!)"
Ayan. Gay-an pag hindi naiintindihan. Sya, aralin na agad dine!
Ang Ozone Layer ay isang manipis na layer na siyang nasagap ng mga harmful ultraviolet radiation galing sa araw. Ang sabe daw, panipis na ito ng panipis sa Europe, Asia, North America at Antarctica. Sabi pa daw ay may mga butas na na nakikita sa ozone layer.
Ahhhhhh....ay di kaya gay-on nga kung maka init ngay-on, anaki lagi'y nasa sa loob ng pugon!
Ang patatlong layer ng athmosphere ay Mesosphere ang tawag.
At ang pang apat at pinakamalayo sa mundo, na pinakamainit din dahit pinakamalapit naman sa araw, ay ang Thermosphere.
O, ayan ha? Alam na natin ang Athmosphere, apat na sapi pala yaan. At sinasabi nga na ayon sa pag aaral ng mga paham, ang Ozone layer ay nanipis na ng nanipis..at ang pinakamatindi ay may mga butas na daw.
Kung ang Ozone layer pala ang taga absorb o tagabawas ng init na nasasagap natin galing sa araw, at ito ay nanipis na at nagkakabutas butas na, ay di talaga ngang iinit kai-kainaman!
Bakit daw nanipis at nagkakabutas ang Ozone layer?
Ang salarin ay ang Chlorofluorocarbons or CFCs na ginagamit sa refrigerants at coolants o sa ating mga ref at aircon. Ang CFC ay mas mabigat sa hangin pero nakaka akyat ito sa Atmosphere sa loob ng dalwa hanggang limang taon!
Pag ito raw CFC na ito ay nasa sa Stratosphere na, binabasag ito ng ultraviolet radiation at nagiging chlorine compounds na tinatawag ding Ozone Depleting Substance (ODS). Itong mga chlorine atoms na ito ang salot sa mga ozone, maski na nag iisa lamang, kaya nitong bumasag ng ozone molecules ng paaaaaulit ulit!
Hala! Ay papaano, ay di painit na nga laang yan ng painit pag di natin pinuksa ang CFC na yan?
Ngunit, datapwat subalit.....hindi laang CFC ang salarin.
Sa susunod, talakayin natin ang tinatawag na Greenhouse Gases na tinutukoy ng nasa babang illustration:
Sa site na ito http://marinebio.org/oceans/conservation/global-warming.asp ko ito hiniram.
Hoooooooy! Gisiiiiiiing! Tulog na yata ih! Anugayan?
Sya, yaman din laang na ako yata'y tinulugan na ng aking kapulong, ay ako'y tutulog na rin muna. Ang oras sa Ala Eh City ay ganap na ika 1:06 ng umaga..
Nakapaghiwalay na ang katawan ng mga aswang!
Ihanda na ang mga bawang at asin!
g
Sunday, February 26, 2012
Mahal ko na si Al Gore!!!!!
Ay tingnan mo nga naman ang buhay..parang life laang talaga...akalain mong mahal ko na agad si Al Gore ay napanood ko laang naman ang kanyang documentary film na ang pamagat ay 'An Inconvenient Truth'..(aayaw-ayaw ko pa ngang manood,napilitan laang gawa ng aming guro)..
Paano ka ga naman hindi tatamadin manood ay si Al Gore ang bida, hindi naman artista si Al Gore! kako'y anu namang kamalayan nuong umarteng si Al Gore na yuon..ang alam ko'y yun ang natalo ni Bush sa pagkapangulo sa America. Ay anu naman yuon, natalo laang ay nag artista na?
So, yun na nga,napanood ko at ako'y napatulala na laang mula sa simula hanggang sa matapos ang sine..lasa ko nama'y ako'y nagimbal ni Al Gore...
Sabi daw ni Al Gore ay nanganganib na ang ating planeta. Bakit kan'yo?
Ito nga ang aking tatalakin dito sa blog ko. Yaman din laang naman na ako'y matagal nang nag iisip kung anong iba-blog, (wag laang di nga makapag blog!)
napagmunimuni kong ito na laang mga sinabi ni Al Gore ang aking pag iinitan dine. Basta't aking isusulat lahat ng sinabi ni Al Gore! Bahala kayo kung aayaw kayong maniwala pero ang sa ganang akin ay bakit hindi nga natin uriratin ang nang ating mapagtanto kung ano nga ang talagang lagay ng ating planeta.
Ika nga sa kanta ni pareng Noel Cabangon, 'Naulan sa Tag-init,Na-init sa Tag-ulan'..(panuorin mo na laang sa http://youtu.be/aTDJkWQ2fkE )
O, ay di ga nga naman??? Ay anu ga nga ang paliwanag mo doon? Pag hindi La Nina ay El Nino ang pinaghahandaan. Anu ga daw? Wala namang ganyan nung unang panahon na bata pa si Sabel, ikanga ng matatanda. Kahit itanong mo pa sa nanay at mamay mo.
Hay,naku..nakakapabuntong hininga.
Maraming sinabi si Al Gore pero and suma-tutal ay ganito:
1. Painiiiiit na nang painiiiiiiiiiit ang ating daigdig, (pero ito'y hindi dahil nalapit ang araw sa atin o dahil tayo'y nalapit sa araw ha?) ang tawag daw sabi ay 'climate change' (di ko na i-ta-translate ha? baka ako'y magkamali pa)
2. Lahat ng bansa,lalu't higit ang Amerika ay may malaking magagawa para maremedyuhan ang problemang ito sa climate change. (Mantakin mo ga nga namang marating nila ang buwan?!, di ga'y sila na nga ang napakahusay!)
3. Lahat ng tao ay dapat makialam sa problemang ito dahil ito'y kakaiba sa lahat nang problemang nakita ng sandaigdigan mula't mula pa.
4. Dahil sa science, maswerte tayo na kaya nating makita ang kinabukasan ng ating daigdig pa para bagang may bolang kristal na kung saan ay kita na natin ang mangyayari sa dadating na panahon. At dahil dito, tayo'y obligado na kumilos para makatulong,kahit na anong klaseng tulong para hindi mapariwara ang ating nag iisang tirahan, ang planetang Earth.
5.Lahat ng tao: bulag,pipi,bingi,matanda,bata, babaysot,lalaksot, pandak,matangkad, mapusyaw o maitim, matalino,mapurol, kahit na sino (kahit kalbo!), ay may magagawang tulong para malutas ang problema ng climate change.
Maraaaaaming sinabi si Al Gore,kaya laa'y ingles nga. (Ay di medyo pahirapan sa pag translate)
Gayunpaman ay gagaw-in ko ang lahat ng aking makakaya..uubusin ko ang aking lakas at iigahin ang aking utak para laang maipaliwanag kung anu ga nga itong climate change na ito.
Ako nga laang ay subrang inaantok na dahil alas dos na din naman ng umaga..mayamaya pa'y gising na ang tandang ng Kaka dine sa likuran ng aming bahay ay ako'y di pa man laang nahipig.
Bukas na laang ang iba ha? Pramis, kalamismis! =)
Subscribe to:
Posts (Atom)
